Британскиот онлајн гигант Asos ги купи брендовите на Arcadia, вклучувајќи ги Topshop, Topman, Miss Selfridge и HIIT, за 295 милиони фунти.
Групата Arcadia банкротираше уште во ноември 2020 година, нивната најголема продавница на улицата Оксфорд во Лондон беше затворена и остана отворено прашањето што ќе се случи со 13.000 работни места.
Asos ја виде можноста и ги купи брендовите Topshop, Topman, Miss Selfridge и HIIT, но не ги купи нивните физички продавници, пишува BBC.
Извршниот директор на Asos, Ник Бејтон, рече дека брендовите што ги купиле имаат раст на продажбата преку Интернет. Сè уште не е познато што ќе се случи со илјадниците вработени бидејќи Asos соопшти дека само 300 сегашни вработени ќе се приклучат во нивните редови.
Arcadia, малопродажна империја во сопственост на Филип Грин и неговото семејство, стана една од најголемите економски жртви на пандемијата од Ковид-19.
Кон крајот на ноември минатата година оваа империја поднесе барање за банкрот во Лондон.
Forbes проценува дека тој и неговата сопруга Кристина Грин имаат 2,3 милијарди долари.
Фото: Facebook