Секој трет корисник би ја сменил компанијата чиишто услуги ги користи по само едно лошо искуство, покажува истражувањето на SAS, глобален лидер во аналитика. Дури 90% од корисниците би ја напуштиле компанијата по две до пет лоши искуства со корисничкиот серви и би преминал кај конкурентот.
Истражувањата покажуваат дека и покрај промените предизвикани од пандемијата на коронарниот вирус, има сè помалку трпеливост на корисниците со компаниите каде што наидуваат на проблеми.
Компаниите коишто би сакале да избегнат напуштање од страна на корисниците повеќе не можат да се потпрат само на пониски цени, тврдат испитаниците.
Истражувањето покажало дека корисниците кога ќе се одлучат свои пари, поголемо значење даваат на севкупниот личен впечаток и услугите кои ги нудат брендовите.
Кога од испитаниците беше побарано да ги наведат најважните карактеристики на добро искуство, тие одговориле дека е важна можноста за замена на производот, важноста од брз одговор од страна на тимот кој се грижи за клиенти, тврдењето дека искуството на клиентот е поважно од ниските цени и попустите, фактот дека компаниите да се однесуваат одговорно и општата леснотија на користење на услугата.
“Компаниите може да имаат впечаток дека најлошото е минато затоа што веројатно повторно нема да имаме строги мерки за карантин. Сепак, по првиот бран тешкотии, тие се соочуваат со нови предизвици: барањата на корисниците растат, а очекувањата се непредвидливи. Доколку не се прилагодат брзо, користејќи вештачка интелигенција и анализа за да понудат персонализирано корисничко искуство во реално време, корисниците ќе заминат. Во периоди на економска рецесија, ова не постои како опција за компаниите“, вели Росанда Милатовиќ Скориќ, од компанијата SAS Adriatic Region.
Фото: Pixabay
