Капацитетите за складирање гас низ Европската унија се полни до нешто помалку од 90 проценти, што ја исполнува целта да може да го снабдува континентот со енергија во текот на зимата со неколкумесечни резерви.
„Одлична вест е што магацините денеска се полни 89,89 отсто“, изјави во четвртокот портпаролот на Европската комисија.
Иако сите членки на ЕУ сè уште не ги достигнале потребните 90 проценти од капацитетот за складирање, претставникот на Комисијата беше оптимист и додаде дека „земјите-членки разбираат дека е исклучително важно да се почитуваат обврските во однос на капацитетот за складирање гас“, додаде тој.
Целта за полнење на складиштето на гас до 90% капацитет до 1 ноември 2023 година беше поставена минатата година, неколку недели по рускиот напад на Украина, кога цените на енергијата почнаа да растат на рекордно ниво и постоеше сериозна закана Русија да престане да испорачува гас за Европа. Тие стравови беа реализирани набргу потоа со одмаздничките мерки на обемните економски санкции наметнати од ЕУ и посветеноста на Унијата да го запре целиот руски увоз на фосилни горива. Пред руската војна во Украина, ЕУ купуваше 40 отсто од гасот од Москва.
Ненадејното намалување на испораките на гас од Русија предизвика загриженост дека жителите на ЕУ би можеле да бидат погодени од зимски прекини, што ги натера владите да се подготват за најлошите сценарија, вклучително и трајно прекинување на струја. Сепак, блага зима и помала потрошувачка на енергија придонесоа тие стравови да не се остварат.
На почетокот на април, односно на крајот на грејната сезона, складиштата за гас во ЕУ беа наполнети до 56%, што е значително над петгодишниот просек од 34%.
