Европските и американските берзански индекси денеска се нерамномерни, златото поскапе, а цената на нафтата „брент“ се искачи над 88 долари за барел.
Индексот DAX на Франкфуртската берза денеска во 9:15 часот падна на 18.036,85 поени, лондонски FTSE 100 на 8.084,18 поени, додека францускиот CAC 40 се искачи на 8.092,75 поени, а московскиот MOEX на 3.437,1 поени.
Според податоците на берзата, цената на суровата нафта се искачи на 83.011 долари, а на нафтата од типот „брент“ на 88.305 долари.
На отворањето на берзата ТТФ се продаваа европски фјучерси на гас по цена од 29.470 евра за мегават-час.
Цената на златото порасна на 2.321,20 долари за унца, а цената на пченицата падна на 5,9649 долари за бушел (бушел е еднаков на 27,216 кг).
Вредноста на еврото во однос на доларот изнесуваше 1,07176, што е приближно исто како и во средата.
