Цените на основните прехранбени производи ширум светот значително се зголемија во последните месеци и во просек чинат за една третина повеќе од минатата година, според податоците на Организацијата на ООН за земјоделство и храна (ФАО).
Најголем раст е забележан кај шеќерот, кој поскапел за цели 60%, по што следат житарките со скок на цената од 26%. Додека еден тон пченица во мај 2020 година на размена на суровини во Франкфурт чинеше 185 евра, сега чини 251 евро.
Што се однесува до пченката, цената скокна за 60% над просечната цена од 2020 година, а слична е и со сојата.
“Причината за драстичниот скок на цените на основните прехранбени производи се, покрај лошата реколта, и повисоките цени на суровата нафта и трошоците за транспорт“, рече експертот за земјоделство Франц Синабел.
Тој посочува дека скокот на цените на суровините ќе се почувствува при секојдневното купување, бидејќи производителите на бисквити, леб и чипс ќе ги зголемат цените поради скапите суровини, а може да се очекуваат и повисоки цени на месото, бидејќи пченката и сојата се суровини што се користат да се хранат животни.
Фото: Pixabay