Црногорски златни пасоши бараат Египќани, Руси, Кинези, Арапи…

24

Во 2020 година, Министерството за внатрешни работи на Црна Гора издаде 108 решенија за прием во црногорско државјанство преку програмата за економско државјанство. Досега на овие лица им се издадени 39 пасоши.

Имињата на лицата кои добиле државјанство сè уште се тајни. Министерството за внатрешни работи, предводено од Сергеј Секуловиќ на таа позиција, соопшти дека издале решенија за државјанство за 36 апликанти и 72 членови на нивните семејства, пренесува порталот РТЦГ.

Лицата кои стекнале црногорско државјанство врз основа на посебна програма се државјани на Египет, Руската Федерација, Белорусија, Туркменистан, Кралството Саудиска Арабија, Кина, Пакистан, Либан, Иран, Казахстан и Хонгконг.

Фото: Freepik