Од први јануари оваа година, ТТК Банка АД Скопје ја намали каматната стапка на Супер станбениот кредит за физички лица и воведе две понуди за овој кредитен производ.
Во рамките на првата понуда, корисниците, приматели на плата/пензија во ТТК Банка имаат можност да аплицираат за Супер станбениот кредит на ТТК Банка, со фиксна каматна стапка од 2,95% во првите три години, односно 6,45% прилагодлива годишна каматна стапка за останатиот период.
Со втората понуда, корисниците, приматели на плата/пензија во ТТК Банка имаат можност да аплицираат за кредитот со фискан каматна стапка од 4,90% во првите пет години, односно 6,30% прилагодлива годишна каматна стапка за останатиот период.
Покрај намалената фиксна каматна стапка и зголемениот фиксен период, Банката овој производ го нуди и со дополнителни олеснувања – без трошок за аплицирање, без трошок за проценка за првата година и грејс период до 12 месеци, само 10% сопствено учество и без надоместок за предвремена отплата со сопствени средства.
Супер станбениот кредит е наменет за купување на нов/стар стан, куќа од физичко или правно лице, за изградба, доградба или надградба на станбен простор (стан или куќа) како и за рефинансирање на станбен кредит од друга банка.
Станбените кредити, како и ненаменските потрошувачки кредити во промотивен период до 31.01.2015 година, Банката ги нуди без провизија за одобрување.