Турција се откажа од проектот за брз пат Русе – Свиленград

Турција се откажа од учество во проектот за брз пат Русе – Свиленград. Ова го објави министерот за регионален развој и јавни работи Лилјана Павлова. Таа истакна дека работата на трасата најверојатно ќе продолжи на билатерална основа меѓу Бугарија и Катар.
Павлова посочи дека одбивањето на Турција не е официјално и земјата може да се вклучи во подоцнежна фаза. Министерот прецизира дека јужниот сосед се откажал, бидејќи во оваа фаза не наоѓа доволно интерес, за да се вклучи во проектот.
До крајот на септември треба да бидат подготвени прединвестиционните студии на проектот. Во овој период треба да биде потпишан и меморандум помеѓу Бугарија и Катар, со кој ќе се регулира нивното учество и ќе се регистрира компанија.