Европската туристичка индустрија се чини речиси целосно закрепна од пандемијата со Ковид-19, покажуваат бројките на Евростат.
Во споредба со првата половина на 2019-та година, пред пандемијата да ги зафати земјите од Европската унија, вкупниот број на ноќевања во туристичко сместување во првата половина на 2022-ра година е сè уште помал (1,01 милијарди во 2022-ра година наспроти 1,18 милијарди во 2019-та година), но многу над соодветните периоди во 2020-та година (474,7 милиони) и 2021-ва година (406,8 милиони).
Ова значи пад од 14% во 2022-ра година во споредба со 2019-та година наспроти 66% во 2021-ва година и 60% во 2020-та година.
Споредено со првата половина од 2021-ва година, во истиот период во 2022-ра година, ноќевањата за сместување се зголемиле за 149%, при што сите шест месеци забележале значителни зголемувања. Април е месец со најголем пораст – повеќе од четири пати во споредба со април 2021-ва година (44 милиони ноќевања во 2021-ва година наспроти 177,6 милиони во 2022-ра година).
Бројките за првата половина на 2022-ра година, исто така, покажуваат дека меѓународниот туризам исто така забележува значително закрепнување. Во овој период странски туристи оствариле 432,9 милиони ноќевања, што е за 154% повеќе во однос на истиот период во 2020-та година (170 милиони) и 401% во однос на 2021-ва година (86,4 милиони). Споредено со истиот период од 2019-та година, сѐ уште има пад од 22%.
Во однос на домашните патувања, податоците покажуваат дека тоа е намалено за 7 отсто во првата половина од 2022-ра година во однос на истиот период во 2019-та година.
Слично како и во месеците на епидемијата со Ковид-19, во првите 6 месеци од 2022-ра година домашната компонента продолжи да го заменува меѓународното патување, иако и двата показатели регистрираа зголемување, од 56,7 милиони ноќи за домашен туризам во јануари на 152,4 милиони во јуни и 32,7 милиони ноќевањата на странските туристи во јануари до 137,2 милиони во јуни.
Вкупно 579,1 милиони ноќевања оствариле домашни туристи во првата половина од 2022-ра година, што претставува 57% од сите ноќевања во овој период. Овој удел беше 53% за истиот период во 2019-та година, зголемувајќи се на 64% во 2020-та година и 79% во 2021-ва година, што го одразува преминот кон домашниот туризам за време на пандемијата и закрепнувањето на меѓународниот туризам во 2022-ра година.
