Турската групација Dogus во хрватскиот град Задар го носи луксузниот хотелски бренд Hyatt, пишува Јутарњни лист.
“Хрватска има неверојатна иднина, но недостасува инфраструктура за развој на луксузен туризам и тоа е она што сакаме да го постигнеме со нашите инвестиции. Во план имаме во рок од две години да доведеме светски регати, а луѓето кои доаѓаат со тие бродови, сакаат и врвни клубови и ресторани. Тоа е причината поради којашто сакаме да го донесеме Hyatt во Задар“, вели Ферит Сахенк, сопственик на групацијата Dogus.
Со новиот проект на атрактивната локација во Задар, вкупните инвестиции на Dogus во Хрватска би требало да достигнат 350 милиони евра.
