Турција во неделата ги зголеми даноците за гориво за речиси 200 отсто, потег што ќе ги зголеми инфлаторните притисоци и дополнително ќе ги оптоварува буџетите на домаќинствата.
Во турскиот службен весник се објавени нови специјални даноци за потрошувачка за различни видови гориво, вклучително и бензин и дизел.
Зголемувањето ќе помогне да се задоволат финансиските потреби кои произлегуваат од страшните земјотреси во февруари и ќе му овозможи на Министерството за финансии да одржува силни готовински резерви, пренесува Klix.ba.
Земјотресите предизвикаа штета од повеќе од 100 милијарди долари, проценува владата. Но, одлуката, исто така, се очекува да ја стави инфлацијата на повисок пат во комбинација со ослабената лира.
Според проценките на економските аналитичари, зголемувањето на даноците на горивата, кои вклучуваат и бензин и дизел, се очекува да го зголеми инфлаторниот притисок.
Земјата е зафатена од неверојатна инфлација, која моментално изнесува 38 проценти.
„Зголемувањата може да значат дека инфлацијата ќе се зголеми на околу 60 отсто до крајот на годината“, рече доцентот по економија на Универзитетот Коч во Истанбул, Џем Чакмакли.
