Турција, Ирак, Обединетите Арапски Емирати (ОАЕ) и Катар потпишаа писмо со намери за воспоставување нов транспортен коридор што треба да го поврзе Персискиот залив со Медитеранот преку мрежа на патишта и железници.
Претставниците на четирите земји потпишаа писмо со намери во понеделникот за време на посетата на турскиот претседател Реџеп Таип Ердоган на Ирак, соопшти во вторникот кабинетот на ирачкиот премиер Мохамед ал-Судани.
Катар и ОАЕ најверојатно финансиски ќе го поддржат проектот, чии трошоци се проценуваат на 20 милијарди долари.
„Патот на развојот“ треба да биде завршен во 2038 година, кога мрежата на патишта и железници ќе го поврзе новото пристаниште во ирачка Басра во Персискиот залив со турското пристаниште Мерсин во Средоземното Море.
Коридорот потоа треба да се протега до Истанбул и Европа. Турскиот претседател го нарече проектот „нов пат на свилата“.
Пристаништето Ал-Фав во Басра го гради јужнокорејска компанија и треба да застане покрај најголемото на Блискиот Исток, со брановидник подолг од 14 километри и да стане важен азиско-европски центар, се надеваат во Багдад, пренесува SEEbiz.
