Жито Маркети отвори уште еден голем супер маркет во општина Аеродром, кој се наоѓа на булевар Јане Сандански број 67. На површина од 330 метри квадратни и паркинг простор, маркетот располага со 18 вработени и услуга на 4 наплатни каси. Новоотворениот Жито маркет во Аеродром е посебен заради тоа што покрај широкиот асортиман на производи по ниски цени, располага и со дополнителни содржини. Во рамките на маркетот има и пекарница, месарница, оддел за печени пилиња и пиљара со свежо овошје и зеленчук.
„Задоволството на нашите потрошувачи ни овозможи да отвориме уште еден маркет во Аеродром, па подготвени сме да им излеземе во пресрет на нивните потреби и барања, како и секогаш да им понудиме врвна услуга, ниски цени и квалитет на производите што ги имаме“, изјави Далибор Ѓошевски, генерален директор на Жито Маркети.
Големиот број на промоции, дегустации, продажни акции, подароци и гратис производи го одбележаа отворањето на овој супер маркет, а покрај големите попусти, гостите ја искористија и својата Жито лојална картичка „Навика да добивам повеќе“ за дополнителни бенефиции при купувањето.
Маркетот ќе работи седум дена во неделата, од понеделник до сабота од 07:00 часот наутро до 22:00 часот навечер, а во недела од 07:00 часот наутро до 14:00 часот попладне
