Британскиот старт – ап Katjes magic candy factory нуди уникатно задоволство преку гумени бонбони направени преку 3D печатач.
За подготовка на една гумена бонбона од 15 до 20 грама потребни се три до пет минути, што е исклучително побрзо за разлика од постоечките прототипи на коишто им е потребен околу еден час.
Сите производи што ги нуди Magic candy factory се вегетаријански, без глутен и млечни додатоци.
Стартапот нуди над 100 различни дизајни, а клиентите можат да го напишат своето име или да стават сопствен белег на испечатената гумена бонбона. На клиентите им стојат на располагање осум различни бои и комбинации од вкусови.
Katjes magic candy factory функционира така што специјалната мешавина од состојки се загрева и потоа преку различни прскалки се создаваат посакуваните форми.
