Компанијата Visa најави дека го купува стартапот Plaid за сума од 5,3 милијарди долари.
Овој американски фин тек, со седиште во Сан Франциско, е основан пред осум години, а лани од инвеститорите успеа да собере 2,6 милијарди долари. Минатата година Plaid двојно го зголеми бројот на корисници и достигна 2.600. Најголемиот дел од нив се од САД, Велика Британија, Франција и Ирска.
Инаку, Visa има пазарна капитализација од 420 милијарди долари, а само лани регистрираше приходи од 23 милијарди долари. Како главни причини поради коишто го купува Plaid е тоа што овој старт – ап соработува со познати фин тек апликации во САД, а исто така, ќе има и пристап до широка база на клиенти на коишто може да им обезбеди дополнителни услуги за плаќање, пишува Forbes.
Фото: Pexels
