Во Швајцарија сè повеќе се зборува за нова банка што треба да стане водечки финансиски гигант во континентална Европа.
Лидерите на најголемите швајцарски банки, UBS и Credit Suisse, ја истражуваат можноста за спојување, објави Inside Paradeplatz. Доколку преговорите бидат успешни, споената банка ќе стане најголема во Европа.
Главниот иницијатор на проектот е извршниот директор на UBS, Аксел Вебер, кој се очекува да биде претседател на бордот на директори на споената банка, а извршниот директор би дошол од Credit Suisse.
Вебер соработува на проектот со колегата на Credit Suisse, Урс Рохнер. Шефот на UBS веќе разговараше за идејата за спојување на банките со швајцарскиот министер за финансии, Ули Маурер. Според извори на Inside Paradeplatz, договор може да се постигне на почетокот на следната година, а до крајот на 2021 година заедничкото вложување треба да започне.
Извор во консултантската компанија McKinsey уверува дека споената банка “ќе засени сè што досега постоеше во европскиот финансиски центар“, а новата банка ќе стане водечки финансиски гигант на континентална Европа и ќе може да се натпреварува со англо-азиската HSBC и американските банки. По спојувањето, може да се намали бројот на вработени во банките за 10 до 20%, односно договорот ќе влијае на најмалку 15.000 работни места, пренесува Seebiz.eu.
Фото: Freepik
