Во периодот од јануари до јули оваа година, Бугарија издала 6.700 дозволи за работа на странски државјани кои доаѓаат надвор од земјите на ЕУ, а во истиот период лани биле ангажирани само околу 3.000 работници од трети земји, се вели во извештајот на бугарската Агенција за вработување, а пренесува BiznisInfo.
Најмногу работници се ангажирани од Украина, Моладавија, и Киргистан, но има и од Србија. Странците од третите земји главно се вработуваат во бугарските хотели и угостителските објекти.
На граѓаните на ЕУ не им е неопходна дозвола за работа во Бугарија, бидејќи ги имаат истите права како и домашните државјани.
Во Бугарија просечната нето плата изнесува 533 евра.