На Волстрит, најважните индекси во вторникот го завршија тргувањето со благ плус, благодарение на послабите од очекуваните податоци за пазарот на труд во најголемата светска економија, кои ги зајакнаа очекувањата на инвеститорите дека ФЕД ќе ги намали каматните стапки.
Во вторникот, њујоршкиот Dow Jones индексот зајакна 140,26 поени, или 0,36 отсто, на 38.711 поени, додека индексот S&P 500 порасна за 0,15 отсто, на 5.291 поен, а Nasdaq 0,17 отсто, на 16.857 поени.
Вчерашниот ден на инвеститорите им го донесе првиот поглед на состојбата на пазарот на труд во САД, со објавувањето на податоците за Отвори за работни места и промет на трудот, познати како JOLTS, кои покажаа дека во април имало 8,06 милиони работни места, што е најниска бројка во повеќе од три години и речиси 400.000 пониски отколку што предвидуваа економистите.
Овој податок им сигнализира на учесниците на пазарот релаксација на побарувачката на пазарот на трудот, што ги поддржува очекувањата дека ФЕД може да почне да ги намалува каматните стапки оваа година, а тоа го поддржа растот на цените на акциите, откако на почетокот на неделата беше објавено дека Индустриската активност исто така ослабе втор месец по ред.