Акциите на американските берзи беа релативно непроменети на почетокот на вчерашното тргување, првенствено затоа што очекувањата на инвеститорите растат дека Федералните резерви (ФЕД) повторно ќе ги намалат каматните стапки кон средината на овој месец.
Сите три главни берзански индекси Dow Jones, S&P 500 и Nasdaq беа на ниво на стагнација, објави CNBC.
Инвеститорите се фокусираа на извештајот од фирмата за регрутирање Challenger, Gray & Christmas, кој покажа дека бројот на отпуштања на работни места објавени во ноември од страна на американските работодавци се искачи на повеќе од еден милион за годината.
