На Волстрит, берзанските индекси во средата пораснаа трет ден по ред, откако челниците на американската централна банка ги задржаа проценките за намалување на каматните стапки оваа година и ги зголемија проценките за економскиот раст.
Индексот Dow Jones зајакна за 1,03 отсто, на 39.512 поени, додека индексот S&P се зголеми за 0,89 отсто, на 5.224 поени, а индексот Nasdaq за 1,25 отсто, на 16.369 поени.
Очекувано, челниците на ФЕД ги оставија каматните стапки непроменети по дводневната седница.
„Растот на инфлацијата не ја промени целокупната слика“
Сепак, инвеститорите беа охрабрени од потврдата на централната банка на проценките дека би можеле да ги намалат каматните стапки три пати оваа година, и покрај зголемената инфлација во САД во јануари и февруари.
Претседателот на ФЕД Џером Пауел го потврди ова на прес-конференцијата.
Растот на инфлацијата во првите два месеци „не ја промени целокупната слика, а тоа е дека инфлацијата, иако со пречки на патот, постепено се спушта кон целното ниво од 2 отсто“, нагласи Пауел.
По седницата беа објавени нови прогнози на шефот на ФЕД, при што ја зголемија проценката за економскиот раст годинава од претходните 1,4 на 2,1 отсто.
Охрабрување за инвеститорите
Додуша, тие ја зголемија и проценката за просечна инфлација оваа година од претходните 2,4 на 2,6 отсто, но тоа не ги загрижи инвеститорите бидејќи челниците на ФЕД сепак веруваат дека би можеле да ги намалат каматните стапки три пати оваа година за по 0,25 отсто.
Благодарение на тоа, во девет од 11-те најважни сектори на индексот S&P 500, вчера цените на акциите пораснаа, а највисоко во тргувањето, за 1,5 отсто.
И на повеќето европски берзи цените на акциите вчера паднаа. Лондонскиот FTSE индекс ослабе за 0,01 отсто, на 7.737 поени, а париски CAC за 0,48 отсто, на 8.161 поен. Франкфуртски DAX зајакна, пак, за 0,15 отсто, на 18.015 поени.
