На Волстрит, цените на акциите паднаа втор ден по ред во четвртокот, бидејќи изгледаше сè поверојатно дека каматните стапки на американската ФЕД ќе достигнат повисоки нивоа од очекуваното и ќе останат таму подолго од очекуваното.
Dow Jones загуби 0,73 отсто, на 33.699 поени, додека S&P 500 падна за 0,88 отсто, на 4.081 поен, а индексот Nasdaq се намали за 1,02 отсто, на 11.789 поени.
Индексите паднаа втор ден по ред бидејќи избледеа надежите на инвеститорите дека крајната каматна стапка, односно каматната стапка со која ФЕД би го завршил процесот на зголемување на цената на парите, ќе биде помала од 5 отсто.
Со оглед на трендот на инфлација и пораките на функционерите на американската централна банка, пазарот на пари очекува конечната каматна стапка до јули да достигне 5,1 отсто.
И повеќето претставници на ФЕД велат дека каматните стапки најверојатно ќе останат на тие нивоа подолго од очекуваното, со цел значително да се намали инфлацијата.
Цените на акциите вчера пораснаа на европските берзи. Лондонски FTSE индекс зајакна 0,33 отсто, на 7.911 поени, додека франкфуртски DAX зајакна 0,72 отсто, на 15.523 поени, а париски CAC 0,96 отсто, на 7.188 поени.
