На Волстрит берзанските индекси значително пораснаа, надоместувајќи ги најголем дел од загубите од претходниот ден, а инвеститорите беа фокусирани на кварталните деловни резултати на компаниите.
Dow Jones зајакна 0,97 отсто, на 38.519 поени, додека S&P 500 порасна за 1,25 отсто, на 4.609 поени, а Nasdaq индексот порасна за 1,30 отсто, на 15.361 поени.
Така, индексите надополнија најголем дел од загубите од претходниот ден, кога нагло паднаа бидејќи по пораките од седницата на американската централна банка избледеа надежите дека ФЕД ќе почне да ги намалува каматните стапки веќе во март.
Но, пазарот е поддржан од надежта дека ФЕД ќе ги намали каматните стапки поагресивно во втората половина од годината.
„Пораките на ФЕД сè уште се анализираат. Се појасно е дека каматните стапки нема да се намалат во март, но вчерашниот пад на пазарот беше прекумерен. Затоа, сега сме сведоци на закрепнување“, вели Томас Мартин, портфолио менаџер во Глобалт.
Во фокусот на инвеститорите се и кварталните деловни резултати на компаниите.
80 отсто ги надминаа очекувањата на аналитичарите за заработката
Досега 208 компании од индексот S&P 500 пријавиле за своето работење во последниот квартал од минатата година, при што околу 80 отсто од нив ги надминале очекувањата на аналитичарите во однос на заработката.
Сега се очекува дека заработката во последниот квартал од минатата година ќе биде за 6,4 отсто поголема од пред една година, додека пред еден месец се проценуваше дека заработката ќе се зголеми за 4,7 отсто.
По затворањето на Волстрит, деловните резултати ги објавија технолошките гиганти – Apple, Amazon.com и Meta Platforms.
Благодарение на подобрите од очекуваните резултати, цените на акциите на Meta и Amazon силно пораснаа, додека цената на Apple значително падна.
Во петок ќе биде објавен извештајот за вработување во САД, кој вообичаено има значително влијание врз насоката на пазарот. Сите најнови податоци покажуваат дека растот на американската економија и на пазарот на труд постепено забавува.
И на европските берзи вчера паднаа цените на акциите. Лондонски FTSE индексот ослабе за 0,11 отсто, на 7.622 поени, додека франкфуртски DAX се лизна за 0,26 отсто, на 16.859 поени, а париски CAC 0,89 отсто, на 7.588 поени.
