На Волстрит денеска пораснаа берзанските индекси, што најмногу се должи на растот на цените на акциите на технолошките гиганти, кои цела година водеа по раст.
Dow Jones зајакна 0,16 отсто, на 42.906 поени, додека S&P 500 порасна за 0,73 отсто, на 5.974 поени, а Nasdaq индексот зајакна 0,98 отсто, на 19.764 поени.
Во мирното предбожиќно тргување немаше значајни вести кои би можеле да влијаат на пазарот.
Раст на цените на технолошките акции
Растот на индексот главно се должи на растот на цените на акциите т.н. „Седумте величествени“ технолошки акции.
Цените на акциите на Meta Platforms, Nvidia и Tesla пораснаа меѓу 2,3 и 3,7 отсто, по што следат цените на Apple, Amazon.com, Microsoft и Alphabet со нешто поблаг раст.
Станува збор за вообичаената „шминка“ на портфолиото на крајот на годината, кога инвеститорите ги купуваат оние акции кои пораснале најмногу во текот на годината.
Историските податоци покажуваат дека од 1969 година, S&P 500 пораснал во просек за 1,3 отсто во последните пет дена од годината и првите два дена од новата година, а тој период популарно се нарекува „Подемот на Дедо Мраз“.
Nasdaq порасна за повеќе од 30% оваа година
Од почетокот на оваа година, индексот Dow Jones порасна за околу 13 отсто, S&P 500 за околу 25 отсто, а индексот Nasdaq за повеќе од 30 отсто.
Ваквиот силен раст е благодарение на еуфоријата за развојот на вештачката интелигенција, намалувањето на каматните стапки на ФЕД и победата на Доналд Трамп на претседателските избори во САД, бидејќи се очекува тој да придонесе за растот на економијата со своите политики и спроведување дерегулација во неколку области.
И на повеќето европски берзански индекси вчера паднаа. Сепак, лондонски FTSE зајакна за 0,22 отсто, на 8.102 поени, но франкфуртски DAX се лизна за 0,18 отсто, на 19.848 поени, а париски CAC 0,03 отсто, на 7.272 поени.