Волстрит стагнираше, во фокус заработката на компаниите кои забележаа повисоки профити

22

На Волстрит берзанските индекси во средата останаа речиси непроменети бидејќи деловните резултати на компаниите не беа охрабрувачки, иако повеќето од нив остварија поголема заработка од очекуваната.

Dow Jones се зголеми за 0,03 отсто, на 33.743 поени, додека S&P 500 се лизна за 0,02 отсто, на 4.016 поени, а индексот Nasdaq за 0,18 отсто, на 11.313 поени.

Поголемиот дел од денот индексите поминаа на негативна територија, само за да ги намалат загубите кон крајот на тргувањето, при што Дау Џонс дури ѕиркаше на позитивна територија.

Внимателноста на инвеститорите е последица на не многу впечатливите деловни резултати на компаниите, кои се под притисок поради високата инфлација и забавувањето на економскиот раст.

67% од компаниите забележале поголема добивка од очекуваната
Извештаи досега се објавени од 95 компании од индексот S&P 500, од ​​кои 67 отсто забележале поголема добивка од очекуваната.

Сепак, аналитичарите анкетирани од Ројтерс проценуваат дека заработката на компаниите од индексот S&P 500 во четвртиот квартал од минатата година паднала за 3 отсто во споредба со истиот период претходната година, додека пад на заработката од 1,6 отсто се очекувал на почетокот на годината.

Пазарот е поддржан од надежта на инвеститорите дека американската централна банка ќе ги зголеми каматните стапки на февруарската седница за само 0,25 процентни поени, а не за 0,50 поени, како на последната сесија лани.

Дополнително, инвеститорите се надеваат дека конечната каматна стапка, со која ФЕД ќе го запре циклусот на покачување, би можела да биде помала од 5 отсто, иако повеќето претставници на ФЕД велат дека ќе треба да ги зголемат каматните стапки над нивото од 5 отсто за да ја ограничат инфлацијата.

Внимателно вчера се тргуваше и на европските берзи. Лондонски FTSE индексот ослабе за 0,16 отсто, на 7.744 поени, додека франкфуртски DAX се лизна за 0,08 отсто, на 15.081 поен, а париски CAC за 0,09 отсто, на 7.043 поени.