Министерот за економија и труд Бесар Дурмиши денеска се сретна со амбасадорката на Хеленската Република во Република Северна Македонија, Софија Филипиду.
Министерот и амбасадорката разговараа за можностите за продлабочување на трговската размена меѓу двете земји.
Министерот Дурмиши ја информираше амбасадаорката за новирт надлежности на Министерството за економија и труд согласно реорганизацијата на институциите и истакна дека сега поголем фокус ќе се дава на подобрување на бизнис климата за домашните и странските инвеститори и подобрување на пазарот на труд.
Министерот Дурмиши кажа дека согласно податоците Грција е рангирана на петто место како земја со која Северна Македонија остварува најголема трговска размена, а само за 10 години заклучно со 2023 година вкупните инвестиции од Грција во Северна Македонија изнесуваат 445 милиони евра, што значи дека Грција е еден од нашите најголеми инвеститори и трговски партнери.
Министерот и амбасадорката се согласија дека зголемување на соработката помеѓу двете соседни земји, продлабочување на добрососедските односи, ќе донесе напредок и стабилност на целиот регион, а бенефит ќе имаат граѓаните на двете земји.