По една од најтешките години за производителите на шампањ, се чини дека љубителите на вино се подготвени да слават со посебно пенливо вино. Иако крајот на пандемијата не е ни близу, сепак некои земји можат да сметаат на тоа дека претстојното лето ќе биде полесно од минатото и ќе има најразлични поводи за средби и славења со шише шампањ.
Брендот Moet Hennessy, гигант меѓу производителите на шампањ којшто во своето портфолио ги има Moet & Chandon, Dom Perignon, Ruinart и Vueve Clicquot, имаат раст од 22% во првиот квартал од оваа година во однос на 2020-та. Менаџерите на брендот веруваат дека глобалната кампања на вакцинирање ќе овозможи брзо враќање во нормала.
“Минатата година ја одбележаа вртоглави подеми и падови“, вели Ен Софи Сток, потпретседател за шампањ во Moet Hennessy.
Но, потоа следуваше период кога потрошувачите имаа повеќе пари на располагање, бидејќи не излегуваа во ресторани и барови, ниту патуваа. Тоа, покрај експлозивниот раст на онлајн продажбата и желбата да се долови атмосферата од рестораните во домот, целосно ја промени продажната структура на шампањот.
Фото: Pexels