Најбогатите луѓе во светот вчера изгубиле 139 милијарди долари (над 120 милијарди евра), поради загриженоста на берзите дека корона вирусот ќе ја потресе светската економија, соопшти Bloomberg.
Ова е најголема загуба за најбогатите жители на планетата од 2016 година (откога агенцијата Bloomberg прв пат спроведе вакво истражување.
Бернар Арно, сопственик на LVMH, и директорот на Аmazon, Џеф Безос, останаа без 4,8 милијарди долари.
Сопственикот на Zara, Амансио Ортега изгуби четири милијарди долари, а Марк Цукерберг, основачот на Facebook, 3,48 милијарди долари.
Сметката на останатите 10-те милијардери од листата е минимум за 2,3 милијарди долари помала од претходно.
Американските берзански индекси на крајот од тргувањето паднаа за повеќе од 3%.
Инвеститорите се вознемирени поради ширењето на корона вирусот, бидејќи епидемијата и карантинските мерки претставуваат ризик по економијата на Кина и целиот свет.
Фото: Pixabay
