Загрепската берза го зголеми уделот во Македонската

44

Загрепската берза денеска соопшти дека го зголемила своето учество во Македонската берза со купување дополнителни акции.

Преку трансакцијата Загрепската берза се стекна со дополнителни 80 обични акции, кои сочинуваат 2,86 отсто од основната главнина на Македонската берза. Трансакцијата е целосно финансирана од Загрепската берза.

Имајќи предвид дека Загрепската берза со претходните набавки стекна 197 обични акции или 7,06 отсто од сопственоста на македонскиот пазар на капитал, со новата трансакција нејзиниот сопственички удел се зголеми на 277 акции или 9,92 отсто.