Јавниот долг по дефиниција e најголемото должничко портфолио во државата и претставува збир на финансиски обврски создадени со задолжување на централната влада, општините и долгот на јавните претпријатија и трговските друштва во доминантна сопственост на државата или општините.
Според податоците на нашето Министерство за финансии, јавниот долг на земјава, на крајот на март достигна 41,8% од вредноста на бруто домашниот производ (БДП), на крајот на јуни беше на ниво од 50,7%, додека проценките за крајот на годината се дека јавниот долг на Македонија ќе биде 49,6% од БДП.
Минатата година, јавниот долг на земјава беше 48,9% од вредноста на БДП. Но, во светот има многу земји чиј јавен долг е далеку над вредноста на БДП. Меѓу земјите со највисок јавен долг, за минатата година, се најдоа:
Јапонија: 237,69% од БДП
Судан: 207%
Грција: 176,64%
Еритреја: 165,11%
Либан: 155,13%
Италија: 133,15%
Кабо Верде: 123,47%
Португалија: 117,55%
Барбадос: 115,41%
Сингапур: 114,10%
Фото: Freepik
