Познатиот македонски малопродажен ланец, Жито Маркети, донираше 54 новогоднишни пакетчиња за децата од општествено хуманитарна асоцијација Мобилност Скопје. За најмладите членови на оваа асоцијација беше организирана и предновогодишна забава, која што се одржа во Домот на хуманитарни организации Даре Џамбаз. Покрај пакетчињата поделени од Жито Маркети, на приредбата имаше и голем број изненадувања, а магионичарот и Дедо Мраз внесоа дополнителна радост и забава за сите присутни.
Мобилност Скопје е хуманитарна асоцијација во која членуваат лица со телесен инвалидитет од различен вид и со специфични потреби во животот, која работи и е активна на територија на градот Скопје.
