Американскиот креатор на видео игри, Zynga, ја презема турската компанија за видео игри Peak, за 1,8 милијарди долари, со што ова станува највредниот договор за преземање на турски старт – ап, пренесува Хуријет.
Во понудатa се вклучени околу 900 милиони долари во готово и 900 милиони долари во акции.
Се очекува турски Peak да го зголеми бројот на активни корисници на дневна основа за повеќе од 60%, а зделката се очекува да биде завршена во третиот квартал од оваа година.
Peak, старт – ап основан пред 10 години, ќе продолжи да функционира во Истанбул со тим од 100 лица, чија просечна возраст е 29 години.
“Посебно сме возбудени за идните планови за раст со поголема моќ заедно со Zynga. Ќе продолжиме да го развиваме тимот, да растеме и да се развиваме во Турција“, вели Сидар Шахин, основач на Peak.
Игрите Toy Blast и Toon Blast на Peak се меѓу најпопуларните во САД.
Фото: Facebook
