📋Нова листа на должници на УЈП: Долговите намалени за 373 милиони денари, објавени 4.537 должници

Управата за јавни приходи  ја објави  Листата на должници бр.10/2026 за долгови доспеани до 30.06.2026 година и неплатени до 30.09.2026 година по основ на ДДВ, данок на добивка, персонален данок на доход, придонеси од задолжително социјално осигурување, акцизи и царини, за кои вкупниот износ на долгот е:

повисок од 120.000 денари за физичките лица и самостојни вршители на дејност; и
повисок од 300.000 денари за правните лица.

На Листата на должници бр.10/2026 објавени се 1.565 должници – правни лица (помалку за 443 од претходната листа) и 2.972 физички лица (помалку за 260 од претходната листа).
Вкупно објавениот нето долг во Листата бр.10/2026 изнесува 13.268.354.319 денари, (помалку за 373.236.325 денари од претходната листа). Нето-долгот за даноци и придонеси изнесува 13.097.348.199 денари, (помалку за 360.989.335 од претходната листа), додека долгот за царински давачки е 171.006.120 денари (помалку за 12.246.990 од претходната листа).