Норвешка ќе вложи 923 милиони долари во изградба на 10 пространи велосипедски патеки во деветте најголеми градови, со што ќе им овозможи брзо и сигурно возење на велосипедистите и тоа на долги релации, пишува Citylab.com.
Главната цел на овие велосипедски “автопати“ е двојно да се намали времето за патување. Но, вистински предизвик ќе биде да се направи возењето да биде удобно и пријатно во планинските предели, каде што во поголемиот дел од денот е темно и студено.
Велосипедските патеки ќе овозможат безбедно возење со брзина и до 40 километри на час. Доколку успее овој план, во тој случај во голема мера ќе се намали зависноста од употребата на автомобилите, што ќе предизвика и намалување на користењето на фосилни горива во Норвешка.
