Ferrari направи сензација на Саемот на автомобили во Женева 2013 со последниот модел наречен LaFerrari. Луксузниот и супер брз автомобил има 963 коњски сили заедно со електричениот мотор кој е дополнување на постоечкиот V12.
Моќниот LaFerrari достигнува брзина од над 350 километри на час и постигнува забрзување од 0 до 100 километри на час за помалку од 3 секунди, а за помалку од 15 секунди 300 киломтери на час. Автомобилот има емисија на СО2 од 330g/km, многу помалку од моделот Enzo, 545g/km.
Цената на овој супер брз автомобил е 1,2 милиони евра, а моделот ќе биде достапен само во 499 примероци.
