Американската компанија Federal – Mogul Motorparts ќе понуди подобрени сервисни решенија за купувачите на резервни делови преку нов дистрибутивен објект во Унгарија и договор за складирање и дистрибуција со Kuehne + Nagel, стои во соопштението.
Новиот дистрибутивен центар, што е отворен во близина на Будимпешта, ќе обезбеди испораки во Источна Европа и ќе овозможи значително намалување на времето на испорака на Блискиот Исток и Северна Африка.
Federal – Mogul Motorparts, составен дел од групацијата Federal – Mogul LLC, потпиша повеќегодишен договор со Kuehne + Nagel за управување со својот нов дистрибутивен центар во Будимпешта. Центарот е сместен 22 километри западно од унгарската престолнина, а има простор од 23.000 метри квадратни и нуди цел спектар на залихи од познати брендови, како што се: Ferodo®, Jurid®, Champion®, MOOG®, Payen®, Goetze® и BERU®. Во овој објект ќе се вработат над 160 лица и има потенцијал за проширување од најмалку 33% за да го поддржи волуменот на раст.
Овој новоизграден логистички центар ќе биде целосно функционален по успешното тестирање. Центарот ќе им служи на клиенти од Јужна, Источна и Централна Европа, а заедно со новиот дистрибутивен центар на компанијата во Белгија, објектот ќе опслужува и клиенти во Африка и други пазари во непосредна близина на ЕУ. Оваа инвестиција ја рефлектира тековната стратегија на Federal – Mogul Motorparts за оптимизирање на перформансите на процесите за снабдување и испорака од светска класа, според очекувањата на клиентите.
“Отворањето на нашиот нов дистрибутивен центар во Унгарија е следниот логичен чекор во нашите напори за подобро да ги опслужиме клиентите, вклучувајќи ја и нашата долгорочна цел да бидеме најдобри во својата класа за време на испорака“, вели Ендрју Секстон, претседател на Federal – Mogul Motorparts. “Заедно со нашиот нов дистрибутивен центар во Вилеброк, нашите регионални магацини и подобрени капацитети за дистрибуција, веруваме дека оваа нова позиција на Federal Mogul Motorparts ќе биде првиот избор за клиенти во нашите категории на производи“.
Според условите на договорот, Kuehne + Nagel ќе управува со објектот, обезбедувајќи договорни логистички услуги, како што се услугите за складирање, прием на стока, операции за пакување, дополнителни услуги вклучувајќи и етикетирање на производите.
“Ние сме многу среќни што влегуваме во партнерство со Federal – Mogul Motorparts во Унгарија“, изјави Џанфранко Сгоро, член на Управниот одбор на Kuehne + Nagel International AG, одговорен за логистика. “Тој докажува дека нашите способности се однесуваат на логистичките потреби на глобални оперативни компании и ја нагласува нашата експертиза за да се испорачаат решенија што создаваат придобивки и квалитет во секојдневниот живот. Овој нов договор е клучна стратешка победа за Kuehne + Nagel во Унгарија и се одразува на нашата деловна стратегија за континуирано зајакнување на нашето присуство во логистика на овој сектор“.
