Собранието на акционери на компанијата Адинг донесе одлука за распоредување на нето добивката од минатата година.
“Нето добивката, според годишната сметка за 2019 година, се распоредува на: 22 денари за една акција нето дивиденда за акционери, односно 24,44 денари бруто за една акција; за исплата на членовите на Управен одбор, 5% од нето добивката за исплата на вработени; за даноци и придонеси согласно распределбата и остатокот нераспределена добивка“, стои во одлуката.
Последен ден на тргување со право на дивиденда е седми јули, додека прв ден на тргување без право на дивиденда за 2019 година е осми јули. Датум на пресек на книга на акции е деветти јули, додека исплатата на дивидендата за 2019 година ќе биде во законскиот рок.
Фото: Freepik
