На презентацијата пред акционерите за резултатите од второто тромесечје на компанијата Tesla, Илон Маск меѓудругото, соопшти за подготовка на создавање на истоимена осигурителна команија, пренесе Business Insider.
Според првичните планови, во повеќе сојузни држави кон крајот на годината треба да се појават филијали на Tesla Insurance.
“Ќе создадеме јака, голема осигурителна компанија“, изјави Маск.
Идејата е да се создаде таква компанија што ќе ги користи информациите собрани од автомобилот за да се изгради профил на возачот за оценување на соодносот и веројатноста од сообраќајни незгоди, и според тоа да се пресметаат месечните рати за осигурување.
Понудата на Маск за осигурување на возилата на компанијата Тесла не е нова. Сопствениците на овие електро автомобили со години се жалат дека осигурителните компании им наплаќаат превисоки рати поради скапите поправки.
Tesla Insurance се појави во Калифорнија уште во април 2019 година, потоа имаше обид да се оди на национално ниво, но сајтот на кој првите членови се пријавија крахираше и не се обнови.
Некои од сопствениците се жалеа дека им било понудени многу поскапи полиси, и до 20 % повеќе споредено со оние на другите осигурителни компании во САД. Tesla Insurance продолжи да работи само во Калифорнија.
Но, Маск сега е убеден дека на компанијата овојпат ќе ѝ тргне. Тој ги повика агентите за осигурување да дојдат и да работат за Tesla.
“Би сакал да имаме повеќе енергични актуарии. Јас многу ја почитувам професијата актуариј (личност која собира и анализира статистика за пресметување на осигурителните ризици и премии).Вие дечки сте навистина јаки во математика. Добредојдени сте во Tesla, посебно ако сакате промена, или ве нервира тоа што оваа индустрија се развива толку многу споро. Вашето место е во Tesla. Нам ни требаат актуарии-револуционери, изјави Маск.
Фото: Facebook