Светската економија оваа година би можела да порасне посилно од очекуваното, со проценка дека пандемијата ќе предизвика економска штета од 10.000 милијарди долари, покажува анализата на Конференцијата за трговија и развој на Обединетите нации (United Nation Conference on Trade and Development – UNCTAD).
Според проценките, светската економија оваа година ќе има раст од 4,7%, што е повисока проценка од досегашната за 0,6 процентни поени поради очекуваното силно закрепнување на американската економија.
Економијата во 2020 година “забележа најголем пад на активноста откако во првата половина од 40-тите години на минатиот век почна да се води статистика за агрегатната економска активност“, велат проценките на UNCTAD.
Пандемијата на глобалната економија ѝ нанесе штета од 10.000 милијарди долари, а е причина и за губење на 255 милиони работни места со полно работно време.
Целата ситуација најсилно ги погоди земјите во развој поради “ограничен фискален простор, зголемени ограничувања и неадекватна меѓународна поддршка“, нагласува UNCTAD.
Фото: Pexels