Во Велика Британија е претставена кованица од пет фунти со ликот на Војводата од Единбург, принцот Филип.
Станува збор за посебна и ограничена серија на кованици на коишто е поставен портретот на принцот Филип.
Дизајнот на паричката принцот Филип го одбрил во 2008-ма година, а почина во април годинава, пренесува ВВС.
Британскиот министер за финансии, Риши Сунак изјави дека кованицата е “соодветна почест“ за починатиот принц, кој “поттикнал и инспирирал многу луѓе ширум светот во текот на неколку децении служба во Велика Британија и на кралицата Елизабета Втора“, со која беше во брак.
“Горд сум што можам да ја претставам кованицата на Денот на оружените сили, со оглед на неговата угледна морнаричка кариера и посветеност на нашата кралица и на своите кралски должности“, рекол Сунак.
Кованицата е изработена за колекционерски цели и нема да биде пуштена во масовна употреба.
Фото: Facebook
