Иако Huawei, кинескиот производител на црната листа на САД, веќе не е сопственик на брендот Honor, можно е бизнисот што се раздели од матичната компанија, исто така, да биде погоден од санкции во блиска иднина.
Според извештаите на медиумите, Пентагон и Министерството за енергија на САД имаат намера да ги ограничат активностите на Honor. Но, другите оддели се противат и доколку не се постигне консензус, конечната одлука се очекува да ја донесе американскиот претседател Џо Бајден, објави Android Authority.
Huawei е вклучена на црната листа во мај 2019 година и на американските компании, вклучувајќи го и Google, им е забрането да работат со нес. Истото важи и за странските компании кои користат американска технологија и опрема.
Во тоа време, Honor беше под-бренд на Huawei, а всушност производството на електроника под двата бренда се вршеше на исти фабрички ленти. Во 2020 година, Huawei го продаде Honor во обид да го спаси брендот од санкции.
Но, сега некои американски министерства имаат намера да го додадат Honor на црната листа. Според објава на „Вашингтон пост“, министерствата за одбрана и енергија се залагаат за санкции против компанијата.
Од друга страна, Министерството за трговија, па дури и Стејт департментот се противат на таквата мерка, бидејќи не гледаат потреба да ги блокираат активностите на Honor. Се чини дека за судбината на брендот ќе решава претседателот Џо Бајден.
Според Huawei, да се биде на американската црна листа ќе има крајно негативно влијание врз бизнисот на Honor. Многу експерти не можат да разберат зошто новата компанија воопшто треба да се најде таму – таа веќе не припаѓа на Huawei, а во моментов дури и не работи во САД и нема оддел за опрема за 5G, кој стана главен причина за воведување санкции на Huawei.
