Во Италија веќе работи ресторан за брза храна со брендот Shiba Inu.
Во нов блог пост, развивачот на Shiba, Шитоши Кусама, објави партнерство со италијански ресторан за брза храна наречен Welly’s.
Welly’s веќе направи целосно ребрендирање, со што кучето Shiba Inu стана негова нова маскота и усвои нов слоган кој се однесува на Ryoshi, анонимниот креатор на монетата. Промени имаше и во менито и маркетинг стратегијата на ресторанот.
Како платежно средство во продавницата ќе се користи криптовалутата SHIB, а друга можна опција е конкурентната меме-монета Dogecoin.
Кусама тврди дека малиот ресторан е познат по „исклучително квалитетна храна“.
„Welly’s е ресторан за „бургери“, но ние разбираме колку е важно да имате вегетаријански, вегански и „здрави“ опции за брза храна. Кога ќе ја отвориме нашата врвна продавница, ќе претставиме повеќе опции за да ги задоволиме овие потреби“, истакнаа од ресторанот.
Во моментов има само една продавница лоцирана во Неапол, но тимот планира да достигне глобално ниво, отфрлајќи ја идејата за партнерство со „огромни централизирани конгломерати“.
Додека некои можеби го критикуваат партнерството, тимот инсистира дека тоа е долгорочна посветеност.
Програмерите, исто така, дојдоа до идеја за имплементација на следење храна базирана на блокчејн користејќи Shibarium, решение од втор слој што сè уште не е објавено.
