Google го објави првиот „developer preview“ на претстојниот оперативен систем Android 13.
Треба да се напомене дека ова е прв увид во оперативниот систем и е наменет само за програмери. Првата бета верзија, која е наменета за јавноста, се очекува во текот на април, додека Android 13 во неговата финална верзија се очекува по јули.
Како и да е, имаме шанса да дознаеме што да очекуваме од платформата Android 13.
Помеѓу новитетите, Android 13 се фокусира на приватноста и безбедноста, па затоа има нов „photo picker“ систем за стандардизиран и оптимизиран начин на споделување локални и фотографии кои се складирани во облакот, сето тоа безбедно.
Новите ажурирања за Google Play ќе овозможат да бидат покриени повеќе екосистеми на Android, а додадени се и нови модули во механизмот за надградба.
Потоа, апликациите ќе можат да откриваат и да се поврзат со уредите во близина преку Wi-Fi конекција без потреба од дозволи за локација.
Material You Design, кој има алатка за динамична промена на бојата, сега ја проширува на сите икони на апликациите за Android 13, не само на Google Elements.
Има некои други мали промени, а програмерите кои се заинтересирани да го испробаат Android 13 може да најдат соодветни датотеки за компатибилни уреди овде.
https://developer.android.com/about/versions/13/download
