Илон Маск ги помина последните неколку месеци обидувајќи се да излезе од договорот за преземање на Твитер. И покрај неговите скапи напори, тој речиси сигурно ќе биде новиот сопственик на платформата до крајот на годината, изјави правен експерт.
„За мене, сите барања на Маск се слаби, а многу од нив се екстремно слаби“, рече Роберт Милер, професор по право со долгогодишно искуство во спојувања и превземања и поврзаното право во Судот во Делавер, каде Twitter го тужеше Маск во јули. Милер разговараше за случајот во видео повик со аналитичарите во Wells Fargo.
– Мислам дека Маск губи, а ако го стори тоа, навистина сум сигурен дека ќе му биде наредено да го затвори договорот – рече Милер – и по цена од 44 милијарди долари што се согласи да ја плати. Милер ги опиша овластувањата што ги има судот да се погрижи Маск да се придржува кон секоја пресуда против него, од преземање контрола врз неговите акции во Тесла до можноста за затворски казни, пишува Business Insider.
Сепак, Милер му даде на Маск помалку од 10 проценти шанси да го добие случајот и да се ослободи од работата. Маск може да се жали на пресудата, и веројатно ќе се жали, но речиси сигурно сепак ќе биде принуден да го купи Твитер, рече Милер.