Градовите низ Италија се тркаат во последниве години за да започнат програми насочени кон привлекување нови жители со цел да ги оживеат.
Помеѓу трошните куќи кои се продаваат за нешто повеќе од еден долар, до куќите кои се подготвени да се вселат по ниски цени, конкуренцијата беше жестока.
Живописниот град Прешиче во сончевиот регион Пуља е последниот кој влезе во игра со примамлива понуда. Надлежните велат дека ќе им платат на луѓето до 30.000 евра за да купат празен стан и да се вселат. Или уште подобро, можете да купите куќа чија цена е околу 25.000 евра. Како и другите евтини имоти за продажба низ Италија, сопствениците ги напуштиле одамна.
Како дополнителен бонус за купување имот, локацијата е неверојатна, опкружена со природата на областа Саленто во петицата на италијанската чизма и блиску до песочни плажи и тиркизните чисти води на Санта Марија ди Леука.
Властите во Прешиче се надеваат дека понудата на парични стимулации ќе му вдахне нов живот во нивниот депопулациски град, каде што бројот на новороденчиња секоја година се намалува.
„Има многу празни куќи во историскиот центар изградени пред 1991 година кои би сакале да ги видиме повторно живи со нови жители“, изјави локалниот советник Алфредо Палезе за Си-Ен-Ен. „Срамота е да се биде сведок како полека се празнат нашите стари маала полни со историја, прекрасна архитектура и уметност.
Деталите за оваа примамлива понуда моментално се финализираат, додава Палес, но властите се подготвени да започнат апликации во наредните недели кога информациите ќе бидат достапни на веб-страницата на градското собрание.
„Ќе им понудиме до 30.000 евра на луѓето кои сакаат да се вселат овде и да купат еден од овие напуштени станови“, вели тој. „Вкупните финансиски средства ќе бидат поделени на два дела: еден дел ќе оди за купување на старата куќа, а другиот за нејзино реновирање, доколку има потреба.
500 евра по квадрат
За учество во проектот, апликантите мора да купат еден од становите во градот, кои се специјално обележани од градските власти и се изградени пред 1991 година. Цените на куќите започнуваат од 500 евра за метар квадратен. Според надлежните, 25.000 евра треба да бидат доволни за купување и евентуално поправка на стан од 50 квадрати.
Финансирањето што градот го доби од спојувањето со помалата соседна заедница нема да се исцрпи некое време, па градот може да го продолжи проектот уште неколку години. Градот има околу 9.000 жители, а околу половина од нив живеат во внатрешното градско јадро.
Ова не е единствената шема што сакаат да ја користат за да привлечат нови жители во градот. Меѓу другото, новите деловни активности имаат пониски даноци, а семејствата со деца добиваат детски додаток.
