На Волстрит, берзанските индекси скокнаа за повеќе од 1 отсто во четвртокот, бидејќи новите податоци за ублажување на инфлациските притисоци во САД ги поддржаа надежите на инвеститорите дека американската централна банка наскоро ќе го заврши циклусот на зголемување на стапката. Dow Jones зајакна 1,14 отсто, на 34.029 поени, додека S&P 500 порасна за 1,33 отсто, на 4.146 поени, а индексот Nasdaq порасна за 1,99 отсто, на 12.166 поени.
Силниот раст на индексот е благодарение на новите индиции за ублажување на инфлаторните притисоци. Откако еден ден претходно податоците покажаа дека потрошувачките цени во март пораснале помалку од очекуваното, вчера беше објавено дека производствените цени во истиот месец паднале за 0,5 отсто на месечно ниво, додека аналитичарите очекуваа стагнација на тие цени.
„Сè уште зависи од инфлацијата и ФЕД“
Овие податоци покажуваат дека заострувањето на монетарната политика на американската централна банка дава резултати, дека инфлацијата стивнува и дека пазарот на трудот, а со тоа и притисокот врз потрошувачката и растот на платите, се „лади“.
„Сè уште зависи од инфлацијата и ФЕД. По податоците за потрошувачките цени, податоците за цените на производителите исто така сугерираат дека инфлацијата се намалува, што може да значи брз крај на затегнувањето на монетарната политика од страна на ФЕД“, рече Дејвид Картер, аналитичар во JPMorgan.
Сепак, повеќето аналитичари сè уште веруваат дека ФЕД ќе ги зголеми клучните каматни стапки за уште 0,25 процентни поени на состанокот во мај, но сè повеќе се оние кои веруваат дека ФЕД ќе ги остави каматните стапки непроменети во опсег од 4,75 до 5 проценти.
Фото: Facebook