Годишната стапка на инфлација во Германија во мај падна на 6,1 отсто, објави денеска германската федерална статистичка служба Дестатис.
Ова е конечниот резултат кој е во согласност со претходната проценка.
Априлската инфлација во Германија беше на ниво од 7,2 отсто.
Стапката на инфлација во мај беше најниска во последните 14 месеци, но сепак е значително повисока од посакуваните 2,0 отсто, што е цел на германската централна банка.
„Во мај, поскапувањата на енергијата беа значително помали од истиот месец минатата година, а најмногу пораснаа цените на храната“, вели претседателката на Федералното биро за статистика, Рут Бренд.
Цените на енергетските производи во Германија се зголемени за 2,6 отсто на годишно ниво, што е многу побавен раст во однос на априлските 6,8 отсто.