Американското Министерство за енергетика ќе позајми 8,38 милијарди евра за заедничко вложување меѓу американскиот производител на автомобили Форд и јужнокорејската компанија SK On – изградба на три фабрики за батерии за електрични возила.
Во соопштението на министерството се наведува дека споменатите фабрики ќе се градат во сојузните држави Тенеси и Кентаки и годишно ќе произведуваат повеќе од 120 гигават-часови енергија, пренесува Ројтерс.
Овој проект се очекува да отвори приближно 5.000 градежни работни места, како и 7.500 оперативни работни места кога фабриката ќе биде оперативна.
Минатата година Министерството за енергетика на САД позајми 2,28 милијарди евра на заедничкото вложување на Џенерал Моторс и јужнокорејската компанија LG и на тој начин поддржа изградба на нови капацитети за производство на литиум-јонски батерии, потсетува британската агенција.