На европските берзи се тргува претпазливо во четврток наутро, откако челниците на ФЕД и Европската централна банка најавија натамошно зголемување на каматните стапки еден ден претходно, бидејќи инфлацијата сè уште е далеку над целните нивоа.
Индексот STOXX 600 на водечките европски акции во 9:30 часот порасна за 0,1 отсто.
Лондонски FTSE индекс утринава загуби 0,01 отсто, на 7.499 поени, додека франкфуртски DAX порасна за 0,02 отсто, на 15.950 поени, а париски CAC 0,18 отсто, на 7.299 поени.
И на повеќето азиски берзи цените на акциите паднаа. Индексот MSCI на азиско-пацифичкиот регион, со исклучок на Јапонија, беше околу 9:30 часот, пад од 0,5 отсто.
Истовремено, јапонскиот индекс Никеи зајакна за 0,1 отсто, додека цените на акциите во Австралија, Шангај, Јужна Кореја и Хонг Конг паднаа меѓу 0,1 и 1,3 отсто.
Инвеститорите се фокусирани на вчерашните пораки на централните банкари од панелот во португалскиот град Синтра.