Кинескиот гигант за недвижности Еверграндe, обременет со долгови, соопшти дека изгубил вкупно 581,9 милијарди јуани (81,1 милијарди долари) во 2021 и 2022 година.
Еверграндe се бори со долгови кои се проценуваат на околу 300 милијарди долари. Огромните загуби нагласуваат колку компанијата е потресена од кризата на пазарот на недвижности во последните години во втората по големина економија во светот, пренесува Seebiz.
Во поднесувањето на берзата во Хонг Конг, Еверграндe доцна во понеделникот соопшти дека изгубил 476 милијарди јуани во 2021 година и уште 105,9 милијарди јуани минатата година. Приходите на компанијата се намалени за повеќе од половина за две години.