Цените на нафтата би можеле да скокнат назад на троцифрени ако залихите на сурова нафта се соочат со поголем притисок – а тоа би можело да доведе до неизбежен запирање на глобалниот економски раст, објави американската инвестициска банка JPMorgan во својата најнова белешка.
Стратезите на банката истакнаа дека цената на нафтата скокнала за 27 отсто во изминатиот месец, на највисоко ниво во последните 10 месеци.
„Околу 25 отсто од тој раст може да се припише на повисоката од очекуваната побарувачка за нафта, додека 75 отсто може да се припишат на големите намалувања на понудата од извозниците на ОПЕК +, кои постојано го намалуваа производството на сурова нафта во текот на изминатата година“, се вели во документот.
Доколку цените ги задржат тие нивоа, предупредуваат тие, веројатно ќе го одвлечат растот на глобалниот БДП за 0,5 процентни поени во текот на два квартали.
JPMorgan очекува дека суровата нафта од типот „брент“ ќе падне на околу 86 долари за барел до крајот на годината, но предупредува дека таа би можела да порасне и дополнително да ја повлече економијата доколку испораките на нафта се соочат со континуиран притисок, предупредуваат стратезите.
„Исто така, постои загриженост дека неодамнешните намалувања на понудата не се завршени, а цената на нафтата може да скокне многу повеќе, дури и до 120 долари за барел“, велат стратезите, додавајќи дека ова ниво е еднакво на скок од 60 отсто во втората половина на годината..
„Проценуваме дека глобалната економија ќе забави до виртуелен застој во следниот квартал, доколку тоа се случи во наредните недели и дека тоа целосно ќе се должи на намалувањето на понудата“, додаваат тие.
Ваквите високи цени, велат тие, потенцијално би можеле да ја доведат глобалната инфлација до околу 6 отсто до крајот на годината и да го погодат глобалниот БДП за 1,3 отсто годишно во следните два квартали.
„Навистина, кумулативниот скок на цената на нафтата од 60 отсто би го означил типот на шок што обично се гледа само во пресрет на рецесија“, додаваат од банката.
Некои коментатори на американскиот пазар веќе го означија зголемувањето на цената на нафтата како главна грижа за економијата. Порастот на цената на бензинот, кој се произведува од нафта, беше најголемиот придонес за инфлацијата минатиот месец, соопшти Заводот за статистика на трудот. Вкупните потрошувачки цени во САД се зголемија за 3,7% на годишно ниво, над очекуваните 3,6%, според Business Insider.